92 पटक हेरिएको काठमाडौं । सरकारले बैकुण्ठ अर्याललाई मुख्यसचिव बनाउने तयारी गरेको छ ।
सरकारले असार ३ मा अवकाश पाउन लागेका सचिव अर्याललाई मुख्यसचिव बनाउन मुख्यसचिव बैरागीलाई आकर्षक ठाउँमा पठाउन लागेको हो ।
सञ्चार मन्त्रालयबाट उनलाई तानेर प्रधानमन्त्री तथा मन्त्रिपरिषद्को कार्यालयको सचिवमा राखिएको थियो । स्रोतका अनुसार मुख्यसचिव शंकरदास बैरागीलाई भने आर्कषक अफर दिएर अमेरिका पठाउने तयारी गरिएको छ ।
असार २ भित्रै अर्याललाई मुख्यसचिव बनाउन नसके उनी स्वतः अवकाशमा जानेछन् । मुख्यसचिव बैरागीको अब बाँकी पदावधि तीन महिना मात्रै रहेको छ । सम्भवतः आज बस्ने मन्त्रिपरिषद्को बैठकले बैकुण्ठ अर्याललाई मुख्यसचिव बनाउने छ ।
