43 पटक हेरिएको काठमाडाैं । भारत सरकारको अनुदान सहयोगमा निर्माण हुने सोलुखुम्बुका महाकुलुङ गाउँपालिकास्थित ध्यान केन्द्रकाे शिलान्यास गरिएको छ।
गाउँपालिकाका अध्यक्ष सूर्यबहादुर कुलुङ र नेपालका लागि भारतीय राजदूत नवीन श्रीवास्तवले संयुक्त रूपमा न्गोंगा थेक्चोक चोलिङ ध्यान केन्द्रको शिलान्यास शिलान्यास गर्नु भएकाे हाे।
बुद्ध पूर्णिमाको अवसरमा ध्यान केन्द्रकाे शिलान्यास गरिएको हाे । सन् २००३ यता भारतले नेपालमा पाँच सय ३५ भन्दा बढी उच्च प्रभावकारी सामुदायिक विकास परियोजना अघि बढाएकामा हालसम्म चार सय ७८ वटा सम्पन्न भइसकेका छन्।
एक निकट छिमेकीका रूपमा भारत र नेपालबीच बहुपक्षीय एवं बहुक्षेत्रीय सहकार्य रहेको छ । नेपाली जनताको जीवनस्तर उकास्न नेपाल सरकारले गरेका प्रयासहरूमा भारतको निरन्तर सहयोग रहेको छ ।
