63 पटक हेरिएको एजेन्सी । भारतको नयाँ दिल्लीमा एक जना महिलाले आफ्नै सासुको हत्या गरेकी छन् ।
वृद्धाश्रम जान नमानेको भन्दै ४८ वर्षकी सरमिस्ठा सोमले आफ्नी ८६ वर्षकी सासु हर्षी सोमको कुटपिट गरेर हत्या गरेको दिल्ली प्रहरीले जनाएको हाे । दिल्ली प्रहरीका अनुसार गत अप्रिल २८ मा हर्षीको शव नेब सराईस्थित अपार्टमेन्टमा भेटिएको थियो ।
तर उनलाई कसले हत्या गरेकाे हाे भन्ने बारेमा थाहा नभएका कारण अनुसन्धान गर्न ढिलाई भएकाे प्रहरीले बताएकाे छ । उनको अनुहार र टाउकोमा गम्भीर चोट देखिएको छ ।
अनुसन्धानका क्रममा हर्षीकी बुहारी सरमिस्ठा दोषी देखिएकी हुन् । उनले वृद्ध सासुलाई हेरचाह गर्दा आफू वाक्क र दिक्क भएका कारण वृद्धाश्रममा पठाउने निधो गरेको बयान दिएकी छन् ।
वृद्धाश्रम जान नमानेपछि सासुकाे हत्या गरेकाे पनि बुहारी सरमिस्ठाले स्वीकार गरेकाे प्रहरीले बताएकाे छ।
