75 पटक हेरिएको एजेन्सी । चिनियाँ ह्याकरहरूले अमेरिकी महत्वपूर्ण पूर्वाधारमा जासुसी गरिरहेको पश्चिमी गुप्तचरले जनाएको छ ।
दूरसञ्चारदेखि यातायात हब, पश्चिमी गुप्तचर एजेन्सी र माइक्रोसफ्ट लगायतले चिनियाँ ह्याकरहरूले अमेरिकी महत्वपूर्ण पूर्वाधारमा जासुसी गरिरहेको ठाेकुवा गरेकाे छ।
जासुसीले गुआमको अमेरिकी टापु क्षेत्रलाई पनि निशाना बनाइएको छ । माइक्रोसफ्टले एक रिपोर्टमा भन्यो, “यो आक्रमणलाई कम गर्न चुनौतीपूर्ण हुन सक्छ।”
एजेन्सी। चिनियाँ ह्याकरहरूको समूहले महत्त्वपूर्ण अमेरिकी नेटवर्कहरूमा जासुसी गरिरहेको भन्दै पश्चिमी गुप्तचर अधिकारीहरू र माइक्रोसफ्टले चेतावनी दिएका छन्।
चीन र संयुक्त राज्य अमेरिकाले नियमित रूपमा एकअर्काको जासुसी गर्दा, विश्लेषकहरू भन्छन्, ‘यो अमेरिकी महत्वपूर्ण पूर्वाधार विरुद्धको सबैभन्दा ठूलो चिनियाँ साइबर-जासुसी अभियान हो।’
बेलायत, अष्ट्रेलिया, क्यानडा र न्युजिल्यान्ड सँलग्न रहेको अमेरिकाको राष्ट्रिय सुरक्षा निकाय र यसको सहयोगी गुप्तचर संस्था ‘फाइभ आइज इन्टेलिजेन्स नेटवर्क’ले विश्वभर यस्ता गतिविधि भइरहेको बताएको छ ।
माइक्रोसफ्टले यस ह्याकर समूहलाई ‘भोल्ट टाइफुन’ कोडनेम दिएको बताएको छ । ह्याकरहरूको यो समूहले ‘भविष्यको संकट’ को समयमा अमेरिका र एसियाबीचको महत्त्वपूर्ण सञ्चारमा बाधा पुर्याउने उपायहरू खोजिरहेको छ।
यस ह्याकर समूहलाई चिनियाँ सरकारको आशीर्वाद रहेको दाबी गरिएको छ। चीनले प्रजातान्त्रिक रूपमा शासित ताइवानको दाबीमा सैन्य र कूटनीतिक दबाब बढाएको छ, अमेरिकी राष्ट्रपति जो बाइडेनले ताइवानको रक्षा गर्न बल प्रयोग गर्न इच्छुक रहेको बताएका छन्।
