113 पटक हेरिएको काठमाडाैं । चीनमा काेराेनाकाे ओमिक्रोन भेरियन्टकाे संक्रमण बढेपछि अधिकांश प्रान्तमा लकडाउन लगाइएकाे छ । जसले गर्दा २ करोड मानिसको जनजीवन कोरोना संक्रमणका कारण प्रभावित भएकाे छ ।
कोरोनाको डर पहिलेको तुलनामा कम भए पनि चीनमा भने अझै डर कायमै रहेकाे ग्लोबल टाइम्सले जनाएकाे छ ।
ग्लोबल टाइम्सका अनुसार चीन सरकारले बिहीबार एक प्रमुख सहरमा पूर्ण लकडाउन लगाएको छ । करिब २१ लाख जनसंख्या भएको सहर चेङ्दुमा कोरोनाका बढ्दो केसलाई ध्यानमा राखेर यो कडा कदम चालिएको हो ।
सरकारले चार दिन लकडाउन गरेर न्यूक्लिक एसिड परीक्षण गर्ने जनाएको छ । सांघाईमा एक महिनाको लागि यस्तै लकडाउन लगाइएको थियोचेङ्दु दक्षिणपश्चिम चीनको सिचुआन प्रान्तको राजधानी र ठूलो शहर हो।
बुधबार यहाँ १०६ जनामा कोरोनाका नयाँ केसहरू देखा परेका थिए, जसमध्ये ५१ जनामा लक्षण नै थिएन। सहरमा ३ सय ८१ उच्च जोखिम क्षेत्र पहिचान गरिएको छ ।
ग्लोबल टाइम्सको रिपोर्ट अनुसार लकडाउनको समयमा परिवारका सदस्य दिनमा एक पटक मात्र बाहिर निस्कन पाउँछन्। तर, उनको न्यूक्लिक परीक्षणको रिपोर्ट पनि नेगेटिभ हुनुपर्छ ।
सरकारले चार दिनको लकडाउन घोषणा गरे पनि चार दिनपछि बन्दाबन्दी फुकुवा हुन्छ कि हुँदैन भन्ने टुंगो लागेको छैन । ग्लोबल टाइम्सले आफ्नो रिपोर्टमा यहाँको अवस्था निकै गम्भीर रहेको बताएको छ ।
महामारी निकै तीव्र गतिमा फैलिरहेको छ । रोयटर्सको रिपोर्ट अनुसार एयरलाइन्सलाई चेङ्दुबाट पनि निलम्बन गरिएको छ। फ्लाइट मास्टरको तथ्यांकअनुसार बिहान १० बजेसम्म ३९८ उडान रद्द भएका छन् । अन्य विमानस्थलमा पनि धेरै उडान रद्द भएका छन् ।
चीनमा छेङ्दुमा मात्रै नभई अन्य धेरै ठाउँमा पनि लकडाउन लगाइएको छ । शेन्जेन र ग्वान्झाउमा पनि प्रतिबन्धहरू लागू गरिएको छ। ओमिक्रोन तीव्र गतिमा फैलिँदा औद्योगिक गतिविधि प्रभावित भएको व्यवसायी संस्थाको भनाइ छ । खासगरी उत्पादनमूलक क्षेत्रले धेरै नोक्सान भोगेको छ ।
