77 पटक हेरिएको जापान । जापान प्रहरीले ७०० किलोग्राम अवैध उत्तेजक पदार्थ लागू पदार्थ तस्करी गरेको आरोपमा ४ जना चिनियाँलाई पक्राउ गरेको छ ।
संयुक्त अरब इमिरेट्सबाट तस्करी गरेको बताइएको उत्तेजक पदार्थको अबैध बजारको मूल्य ४३ अर्ब ४० करोड येन भन्दा बढि रहेको बताइएको छ ।
जापानमा एकै पटक जफत गरिएको यो अहिलेसम्मकै दोस्रो ठूलो मात्राको लागू पदार्थ भएको अधिकारीहरुले बताएका छन् मार्चमा चीन हुँदै टोकियो बन्दरगाहमा आइपुगेको जहाजको कन्टेनरमा शंकास्पद पाउडर फेला परेको थियो र टोकियो भन्सारले नियन्त्रणमा लिएको थियो ।
टोकियो प्रहरीले अन्तर्राष्ट्रिय तस्करी समूहको संलग्नताको आशंका गरेको छ र सम्भावित सम्बन्धको अनुसन्धान गरिरहेको छ प्रहरीका अनुसार चारै चिनियाँ संदिग्ध ३५ देखि ५१ वर्ष उमेर समूहका छन् । उनिहरु टोकियो, योकोहामा र कावासाकीमा बसोबास गरिरहेका थिए ।
दुबईबाट आएका र टोकियो आउनुअघि चीन ट्रान्जिट भएका कन्टेनरहरूमा कार्गोको रूपमा लुकाएर ठूलो परिमाणमा उत्तेजक पदार्थ ल्याउने षड्यन्त्र गरेको आशंकामा उनीहरूमध्ये दुई जनालाई सुरुमा पक्राउ गरिएको थियो । कार्गो मार्च ५ तारिख उतारिएको थियो ।
उत्तेजक पदार्थहरू १७५ बाकसहरु भित्र फेला परेको थियो । प्रहरीले कार्गोलाई ट्र्याक गरेको थियो, जसको परिणामस्वरूप चारजना चिनियाँ पक्राउ परेका हुन् । सन् २०१९ मा शिजुओका प्रिफेक्चरको समुद्र तटमा करिब १ टन लागू पदार्थ जफत गरिएको थियो । जापानमा एकै पटक सबैभन्दा ठूलो मात्रामा लागू पदार्थ पक्राउ परेको यो नै पहिलो घटना थियो । उक्त मुद्दामा सात चिनियाँ नागरिकलाई पक्राउ गरी मुद्दा चलाइएको थियो
