90 पटक हेरिएको इस्लामावाद । कट्टर मुस्लिम देशको रुपमा प्रख्यात रहेका पाकिस्तानको न्यायालय पनि घोर हिन्दु विरोधी रहेको पुष्टि भएका छन् ।
भनिन्छ कहि कतै न्याय नपाएको खण्डमा न्यायालयको सहारा लिइन्छ तर पाकिस्तानमा बसोबास गरिरहेका हिन्दुहरुलाई न्याय दिने कोही छैनन् उनीहरु बधुवा मजदुर सरह बस्नुपर्ने बाध्य रहेका हुन् ।
धर्म परिवर्तन भएकी हिन्दू युवतीलाई परिवारसँग जान अनुमति दिन पाकिस्तानका न्यायाधीशले अस्वीकार गरेको समाचार बाहिरिएको छ ।
पाकिस्तानमा कथित रूपमा अपहरण गरी जबरजस्ती इस्लाम धर्म परिवर्तन गरिएकी १४ वर्षीया हिन्दु युवतीलाई पाकिस्तानको एक अदालतले आफ्ना आमाबुवासँग जान आग्रहलाई अस्वीकार गरेको छ ।
बालिकालाई उनका शिक्षक र उनका सहयोगीहरूले बन्दुकको नोकमा अपहरण गरी मुस्लिम पुरुषसँग विवाह गराएर कथित रुपमा धर्म परिवर्तन गराएका थिए ।
सोही आरोप लगाउदै उनका अभिभावकले अदालतमा उजुरी दिएको थियो तर पाक अदालतले पनि पिडिताको पक्षमा फैसला नगर्दा पाकिस्तानमा अल्पसंख्यक रुपमा बसोबास गर्दै आएको हिन्दुहरुको दुर्दशालाई दर्शाएको छ
