83 पटक हेरिएको एजेन्सी । अमेरिकी जनप्रतिनिधिहरुले चिनियाँ बायोटेक कम्पनी वुसीमाथि प्रतिबन्ध लगाउन ह्वाइट हाउससमक्ष माग गरेका छन् ।
अमेरिकी कंग्रेसमा प्रतिनिधित्व गर्ने रिपब्लिकन र डेमोक्र्याटिक दुबै पार्टीका प्रतिनिधिहरुले चिनियाँ कम्पनीमाथि प्रतिबन्ध लगाउन बाइडेन प्रशासनसमक्ष माग गरेका हुन् ।
उनीहरुले अमेरिकी अर्थमन्त्री जेनेट येलेन, रक्षामन्त्री लोयड अस्टिन र जिना राइमोन्डोलाई पत्र लेख्दै उक्त कम्पनीको सम्बन्ध चिनियाँ कम्युनिष्ट पार्टीसँग रहेको भन्दै यस्तो माग गरेको अन्तर्राष्ट्रिय समाचार संस्था रोयटर्सले जनाएको छ । यसबाट अमेरिकी राष्ट्रिय सुरक्षामा जोखिम उत्पन्न हुने उनीहरुको भनाइ छ ।
उक्त पत्रमा माइक गलाहेर, राजा कृष्णमूर्ति, ग्यारी पिटर्स, बिल हागेर्टीजस्ता अमेरिकी प्रतिनिधिले हस्ताक्षर गरेका छन् । हालैमात्र अमेरिकी कंग्रेसले चिनियाँ कम्पनीहरु बीजीआई समूह, वुसी एपटेक र अन्य बायोटेक कम्पनमाथि कडाइ गर्ने विधेयक अघि सारेको छ ।
